 | | | علاوي وايي چې عراق همدا اوس په کورنى جگړه کې دي |
دعراق پخواني لومړي وزير اياد علاوي ويلي چې هيواد يې د کورنۍ جگړې پر ژۍ ولاړ دى او ددې خطر شته چې عراق ټوټې ټوټې شي . نوموړي له بي بي سي سره په مرکه کې امريکايان پدې گرم کړل او زياته يې کړه چې د هغوى دغلطې تگلارې له امله داسې حالات را منځ ته شول چې وژنې يو عادي شى گرځيدلى دى . د ښاغلي علاوي خبرې د هغولويديزو مشرانو او په ځانگړي ډول د برتانيي د دفاع د وزير جان ريد له خبرو سره توپير لري چې وايي عراقيان د هيواد د راتلونکې کنترول پخپل لاس کې اخلي او کورنۍ جگړه نشته . |  دامريکايانو دغلطې تگلارې له امله داسې حالات را منځ ته شول چې وژنې يو عادي شى گرځيدلى دى .  اياد علاوي |
په بغداد کې د بى بى سي خبريال وايي چې د ښاغلي علاوي اوسنۍ تبصرې به د سياسي مانورې په معنى وي او نوموړي غواړي په راتلونکي نوي حکومت کې ځان ته ستره ونډه خپله کړي . له بلې خوا دامريکې دمتحدوايالتونوددفاع وزير دونالد رمزفيلد د واشنگټن پوست له ورځپاڼې سره په مرکه کې ويلي چې اوس مهال کې له عراقه د ا مرېکايي پوځونو وتل داسي معنى لري لکه چې تر جگړې وروسته جرمني چې بيرته نازيانو ته وسپارله شي . دنومړي دا څرگندونې پداسې مهال کې کيږي چې د امريکې په گډون په ډېرو هيواونوکې مظاهره کوونکو له عراقه د بهرنيو پوځونو د وتلو غوښتنه کړې ده . | 
غالب: د نشه يي توکو قاچاق کې چارواکي لاس لري
