د پاکستاني پوځيانو له قوله ويل شوي چې د وزيرستان په وروستيو نښتو کې تقريبا ٥٠ کسان وژل شوي چې ٥ ېې پوځيان دي

په جگړې کې د پوځي هلي کوپترو اوتوپچي ځواک څخه کار اخيستل شوى
.

دا نښتې په شمالي وزيرستان کې روانې وې . د تلفاتو بشپړ جزييات تراوسه نه دي معلوم خو دپاکستاني چارواکو له خولې ويل شوي دي چې لږ ترلږه پنځوس کسان وژل شوي دي چې پنځه يې پوځيان دي.

جگړه هغه مهال پيل شوه چې د ميرانشاه او ميرعلي په سيمو کې ودانۍ د وسله والو د بريد لاندې راغلې. د پاکستان د پوځ وياند جنرال شوکت سلطان وايي چې ددې ترشا د بهرنيو اورپکو لاس دى

هغه وويل حکومتي ځواکونو اوس د ټولو هغو ودانيو کنترول بيرته ترلاسه کړى چې د مير علي په ښارگوټي کې اورپکو نيولي وو

د بي بي سي يو خبريال وايي درې کاله وړاندې سيمې ته د پوځيانو د ليږلو وروسته دا تر ټولو لويې نښتې دي.