په جنورۍ ( جدي ) کې حماس د فسلطين انتخابات وگټل

بي بي سي سره په خبرو کې د حماس يو مشر او د فلسطيني پارلمان غړي ډاکټر محمود رماحي وويل ددوى ډله د القاعدې د اغيز لاندې نه شي راتلى .

داکټر رماحي وويل حماس په امريکا ، مادريد او لندن کې د القاعدې بريدونه غندلي دي

ده په دې خبره تاکيد وکړ چې حماس د سوله ايزو او دېموکراتيکو لارو حکومت کولو ته ژمنه ده

ده وويل وسله واله مبارزه وروستۍ چاره ده خو حماس دې ته لومړى والى ورکوي چې له سوله ايزه لاروخپل هدف ته ورسيږي.
په يوې ويدوي فيتې کې چې د الجزيرې تلويزون خوره کړې وه د القاعدې يو مشر ابو مساب الزرقاوي ويلي وو چې (( فلسطيني ادارې فلسطين په ډير کم شي پلورلى دى.))

په خپل ويدويي پيغام کې ښاغلي زرقاوي دغه راز مسلمان هېوادونه هڅولي دي چې هغه اروپايي هېوادو سره اړيکي وشلوي چې د اسلام پيغمبر حضرت محمد ص ته منسوب کاريکتورونه ېې چاپ کړي دي