د دويمې نړيوالوې جگړې د وخت ٣ تنه نړيوال مشران : چرچل ،روزولت او ستالين

په لومړي سر کې په لويديځ کې چا دغې وينا ته ډير پام ونکړ خو يو کال وروسته دده دا غوښتنه چې دموکراتيک ځواکونه بايد دده په خبره د شوروي پراختيا غوښتنې مخه ونيسي ، په امريکا او برتانيا کې په رسمي تگلارې بدله شوه.

څه موده وروسته اوسپنيزه پرده په خپله هغه وخت په فزيکي واقعيت باندې بدله شوه چې د ستالين د ختيځې اروپا متحدينو د خپلو لويديځو پولو په اوږدو کې اغزن سيمونه وغزول او کانکريټي ديولونه ېې جوړ کړل.

چرچل په خپلې تاريخي وينا کې ويلي وو:

((په بالتيک کې له ستيتين (Stettin )نه نيولي بيا د ايدرياتيک په سمندر گې د تري ياست (Trieste ) سيمې پوري وچه کې يوه اوسپنيز ه پرده راکش شوې چې تر شاه يې د ختيځې او لويديځې اروپا پلازمېنې لکه وارسا ، برلين، پراگ ، ويانا ، بوداپست او صوفيه پراته دي))

چرچل چې د نړيوالې دوهمې جگړې پر مهال د برتانيې لو مړى وزير وه خپله مهمه وينا يې چې د اوسپنيزه پردې په نامه اصطلاح يې پکې وکاروله د امريکا په فولهم کې کړې وه . البته د اوسپنيزه پردې دغه اصطلاح په لومړي ځل چرچل د دوهمې نړيوالې جگړې له پاى نه څلور ورځې وړاندې په يوه تلگرام کې چې د امريکا ولسمشر هري ترومن ته يې استولى وه کارولي وه.

چرچل په مرکزي ختيځې اروپا خاصتا په پولند کې د شوروي اتحاد له لوري واک ته د لاس پوڅو ريژيمونو له رسولو زياته انديښنه درلوده. ښايي چرچل د اوسپنيزې پردې دغه اصطلاح په لا شعوري توگه د هيتلر د پروپاگند د چارو له وزير نه کاپي کړي وي چي ويلي وه د نړيوالې دوهمې جگړې په پاى کې ، ښايي اورپا دوه ټوتې شي .

کله چې د امريکا په فولهم کې چر چل خپله مهمه وينا اوروله د متحدينو تر منيځ د پو لند او هم د جرمني د ويش او کنترول په سر ژور توپير موجود وه .

ده استدلال کاوه هغه ملک چې د متحدينو له خوا په جگړه کې نه وي اشغال شوى د هغو په کورنيو چاروکې لاس وهنه پر ځاى خبره نه ده خو په عين حال کې يې پدې هم ټينگار کاوه چې بايد د ازادې له اصولو نه په کله دفاع وشي .

د چرچل ددې احطياط تر شاه دوه دليله نغښتي وه ، يو داچې وارسا د شوروي د اشغال په وړاندې زيات څه نه شوى کولى او دوهمه خبره دا وه چې ماسکو د لويديځ د جگړې د مهال متحد وه .

د چرچل له خوا د اوسپنيزې پردې د اصطلاح کارول او د شوري د پراختيا غوښتنې په تگ لاره باندې د هغه تبصرو، ستالين خفه کړى وه او هغه يې د ځان لپاره سپکاوي گاڼه لدې کبله د چرچل مهمه وينا د شوروي مطبوعاتو کې هيڅ منعکس نه شوه اونه هم د بر تانيې په مطبوعاتو کې د ستالين خبره منعکس شوه چې چرچل يې له هيتلر او له يوه جنگ پلوي سره پر تله کړى وه .

ځيني وايي چې د وينستن چر چل د فولهم وينا چې د اوسپنيزه پردې اصطلاح يې پکې کارولې وه خورا مهمه وه خو ځيني نور بيا استدلال کوي چې د چر چل بله وينا چې د فولهم له وينا نه يې شپږ مياشتې وروسته په زوريخ کې د اروپا د راتلونکې په اړه وکړه زياته مهمه ده.

چرچل د زوريخ په خپله وينا کې د اروپايي ټولنې نظريه وړاندې کړې وه او ده د اروپا د يو ډول متحده ايالاتو غوښتنه کړې وه.