حکيم سمسور کابل

	ښاغلى قانوني وايي د اساسي قانون له مخې ولسي جرگې د افغانستان له دولته غوښتي دي چې د بحث لپاره د حکومت جوړښت ولسي جرگې ته وړاندې کړي

په افغانستان کې د ولسي جرگې مشر محمد يونس قانوني پخپل اونيز خبري کنفراس کې د ولسي جرگې د بيلابيلو جرگگيو د جوړلو لو په اړه معلومات ور کړل او له رسنيو ېې وغوښتل چې د ولسي جرگي د کار په تړاو د ناسمو رپوټونو له خپرولو ډډه وکړي .

دارنگه ښاغلي قانوني وويل چې ، د جرگگيو له جوړيدو وروسته ،ولسي جرگه اوس چمتو ده چې د افغانستان د راتلونکي حکومت پر جوړښت بحث وکړي .

(( د اساسي قانون له مخې ولسي جرگې د افغانستان له دولته غوښتي دي چې د بحث لپاره د حکومت جوړښت ولسي جرگې ته وړاندې کړي .))

ښاغلى قانوني ټينگار کوي چې دولت بايد د ېوې مياشتي دننه دغه کار وکړي .
ددولت ځني چارواکي وايي چې د حکومت د جوړښت پر بشپړولو کار روان دى .

ولسي جرگې پداسي حال کې کابينې ته د باور د راېې ورکولو ته چمتووالي ښودلى چې غړي ېې لا پخپلو کې سره ندي سلا شوي چې وزيرانو ته په څه ډول د باور رايه ورکړ ي .

د ولسي جرگې ډيري غړي ، د ېو ټولگي په توگه د کابېنې غړو ته د راېې ورکول غواړ ي . خو يو شمير نور بيا په دې ډول د راېو ورکولو مخالف دي او غوښتنه کوي چې د کابينې هر غړى دې په جلا جلا توگه ولسي جرگې ته راوبلل شي او له غور وروسته پرې راېه اچونه وشي .

تمه کيدله چې ولسي جرگي د خپل کار له پيله وروسته ، په يوه مياشت کې دکابينې جوړښت څيړلى واى او د کابينې غړو ته ېې د باور راېه ورکړې واى .

خو د ولسي جرگې د کورنيو دندو د تگلارې او بيلابيلو جرگگيو د جوړ لولو چاره دومره وخت ونيوه چې پر کابيني د بحث کار تقريبا دوه مياشتې و ځنډيډ .

بل لورته ، د افغانستان ډير خلک د راتلونکې کابينې د جوړښت په اړه هم انديښمن دي .

خلک له ولسي جرگې غوښتنه کوى چې په کابينې کې دې يوازې مسلکي ، پو هو او ژمنو کسانو ته د باور رايه ورکړي او په دې برخه کې بيځايه مصلحتونه له پامه وغورځوي