لويديځ په عراق کې د نوي حکومت د جوړيدو د سستې پروسې له امله انديښمن ښکاري

هغه وويل بايد د عراق په نوي حکومت کې يوه نژادي يا مذهبي ډله د خلکو پر ژوند باندې مسلطه نه وي

په وروستيو اونيو کې دا دويم ځل دى چې ښاغلى سترا عراق ته سفر کوي او په بغداد کې د بي بي سي يو خبريال وايي لدې نه ښکاري چې برتانويان او امريکايان په عراق کې د نوي حکومت د جوړيدو د سستې پروسې له امله انديښمن دي

ولسمشر جلال طالباني د عراق په جنوب کې د برتانوي عسکرو د کار ستاينه وکړه ، که څه هم داسې ادعاگانې شته چې هغوى د ملکي عراقيانو سره ناوړه رويه کړې

ښاغلي سترا وويل د برتانيا پوځ ددغو ادعاگانو په هکله بشپړې پلټنې کوي

هغو وويل حتي په يو دموکراتيک هيواد کې هم د امنيتي ځواکونو د ځينې ناوړو رويو له منځه وړل ممکن ندي