د امريکا يوپوځي افسر د اښتنو پوښتنو پرمهال د يوه عراقي جنرال د مړينې په پېښه کې په بې پروا وژنې پړ وخېژول شو.
افسر لوويس وېلشوفر د کلورادو په فورټ کارسن کې د شپږو پوځي افسرانو يوې قضايي ډلې پړ وباله. دى همدا راز په دنده کې د بې پروا لټۍ له امله هم پړ وبلل شو، خو د وژنې او بريد له تور نه سپين کړى شو. څارنوالانو وويل: وېلشوفر په ٢٠٠٣ کال کې د اښتنو پوښتنو پر مهال د عراقي جنرال عابد حامد موحوش پر سر د خوب کڅوړه وراغوستې، خوله يې ورته پټه کړې او پرټټر ورته ناست وو. د هغه مدافع وکيلانو استدلال کاوه چې د وېلشوفر قوماندانانو د تحقيق دغه بڼه تاييد کړې وه او جنرال موحوش د زړه له ناروغۍ مړ شوى دى. پوځي چارواکي وايي وېلشوفر ښايي کله چې سبا ورته سزا اورول کېږي، په دريو کلو بند محکوم شي. | 
غالب: د نشه يي توکو قاچاق کې چارواکي لاس لري
