د اوومۍ سټوديو پروگرام هره جمعه په ماښامنى خپرونه کې خپريږى

بريالى ولي ٣٣ کلن دى او دننگرهار ولايت د مرستون په څلورلاري کې زيږيدلى دى .

لومړى يې د ننگرهار تجربوي لومړنى ښوونځى او بيا يې دننگرهار د چک نوري ليسه پاى ته ورسوله .

د بايزيد روښان پوهنتون ته ورغى اود اقتصاد پوهنځي کې ېې په زده کړو پيل وکړ .

تردريم ټولگي پورې يي لوست ووايه خو شرايط سخت خراب شول او د ١٣٦٦ کال د ننگر هار دحوت ( کب ) تر ترخو جگړو وروسته له افغانستانه وتلو ته اړ شو .

د ولسمشر کرزي د حکومت په راتگ بريالى ولي هم هيواد ته ستون شو او اوس بيا په کابل کې اوسي . هلته د موسيقي په چارو بوخت دى اوپه يوه ټولنه کې په فعاليت بوخت دى چې د افغانستان د موسيقي ټولنه نوميږي .

په پيل کې پدې ټولنه کې ٢٢٠ تنه را غونډ شول خو اوس تر نيمايي پورې کسان ترې وتلي دي . ډيرې سندرې ېې پخپله جوړې کړې دي .

واده يې کړى او څلور ماشومان لري . دوې لوڼې او دوه زامن .

د بريالى ولي سره پوره مرکه د دې ځاى په کېکاږلو اوريدلى شئ