د بي بي سي د امنيتي چارو خبريال گوردن کوريرا ليکنه

	پاکستاني پوځيانو په وزيرستان کې څوځلي عمليات وکړل خو تراوسه ندي بريالي شوي چې د القاعده ستر مشران ونيسي

هنري کرمپټن (Henry Crumpton ) چې تر تير کاله پورې د سي آى اې يو لوړ مامور وو او اوس د تروريزم ضد چارو کې د امريکا استازى دى بي بي سي ته وويل اوس هم برتانيا او اروپا د القاعده د بريدونو هدف دى

ښاغلي کرمپټن بي بي سي ته وويل گمان کوي چې اوسامه بن لادن او ايمن الظواهري د افغانستان ا و پاکستان ترمنځ سرحدي سيمه کې اوسيږي

ښاغلى کرمپټن دغه سيمه ښه پيژني ځکه چې د طالبانو پرضد د امريکا د جگړې په وخت کې ېې هلته د طالبانو د نسکورولو لپاره هڅې پر مخ بيولې

هغه خبردارى ورکړ چې د القاعده ستراتيژيک هدف دادى چې پر امريکا ، برتانيا او اونورو اروپايي هيوادو باندې بريدونه وکړي

خو هغه انکار وکړ چې گواکې امريکايان نيول شوي کسان او بنديان شکنجه کوي