د روسيې مرات سفين تير کال د استراليا پرانيستې لوبې گټلې وې خو سږ کال ټپي دى

د دغو اتلوليو د سړو په لوبو کې اتل مرات سفين چې د روسيې استوگن دى د ټپي کيدو له امله له خپلې اتلولۍ دفاع نه شي کولى .

دغه راز د فرانسې د پرانيستو لوبو اتل اسپانيايي رافيل ندال هم په دغو لوبو کې له گډونه بې برخې شوى دى .

سفين د زنگانۀ په خوږو اخته دى او نادال بيا د پښې درد لري .

سفين وويل (( خواشينى يم چې استراليا ته د خپلې اتلولۍ د دفاع لپاره نه شمه تللى . ))

سفين او نادال دواړه هوډ لري چې د فبروري په ١٣ نېټه په فرانسه کې د تينس پرانيستو لوبو پورې چمتو واوسي .

د لوبو نور خبرونه د دې ځاى په کېکاږلو ترلاسه کولى شئ