يو تن ددغه بريد لپاره د چمتوالي په ترڅ کې وژل شوى او پوليسو مخکې ويلي وو چې د هغه نور ملگري تښتېدلي دي. او وايې د هغوى د موندلو لپاره له بيگا راهيسې د کابل په لوديځ د کمپنۍ اوشاوخوا سيمو کې کور په کور پلټنه روانه ده.

په افغانستان کې د ځانمرگي بريدونو پيښې ډيرې کمې ليدلې شوي دي ، خو په دې وروستو کې د رپورټونو تر مخه د طالبانو د يوه جيگ پوړي مشر ملا داد الله له قوله ويل شوي وو چې دوي به په افغانستان کې د امريکا او د هغو د ايتلافي متحدينو پر ضد ځانمگري بريدونه کوي .

څو ورځې وړاندې د ارزگان ولايت مر کز تيرين کوټ ته ورڅيرمه په يوه ځانمرگي بريد کې د ماشومانو په گډون ١١ ملکي کسان وژلي شوي وۀ ، او ٥٠ نه زيات نور ټپيان شوي وۀ .

د افغانستان حکو مت دا پيښې تره گر عمل بولي او زياتوي چې دا د وطن د دښمنانو کار دى .