د امريکا د ناسا اداره وايي په ٢٠١٨ کال کې به ستورمزلي بيا د سپوږمۍ پر خاوره کښته کوي .

چيني ساينس پوهانو ويلي دا کار به په ٢٠١٧ کال کې کوي . دا د متحدو ايالاتو د فضايي ټولنې ناسا تر مهال وېش يو کال وړاندې موده ده .

د دې خبر اعلان د چين رسمي خبري اژانس وکړ او د يوۀ لوړ پوړي ساينسپوه له خولې يې وويل چې واردمخه په دې برخه کې کارونه پيل شوي دي .

خبريالان وايي دا لا معلومه نه ده چې چينايان به د سپوږمۍ پر مځکه ستورمزلي کښته کوي که نه .

د چين له لورې دا وروستى اعلان تر هغې دوه مياشتې وروسته شوى دى چې فضا ته يې له انسان سره د بيړۍ ليږدولو ويلي وو .

سپوږمۍ ته د کوم انسان له پل اېښودو تر ٣٠ کالو ډيره موده اوړي .

د ١٩٦٠ مو کلونو په وروستيو کې د امريکا د ناسا فضايي ټولنې د اپولو پروگرام ١٢ کسان د سپوږمۍ پر خاوره وگرځول .