دروېش درانى د ساينس په پوهنځي کې د انگريزي ادبياتو استاد دى

نوموړى څه باندي پنځوس کلن دى او د کوټې په ساينس پوهنځي کې د انگريزي ادبياتو استاد دى.

اغزنه لار يې د شعرونو لومړۍ مجموعه ده چې اووه ويشت کاله وړاندي خپره شوه.

تر دې وروسته يې څلور نورې شعري ټولگې هم خپرې شوي او همدا اوس اوس يې د "په ناورين پسې ناورين" په نامه بله شعري مجموعه هم خپره شوه.

د اوومې سټوډيو ددې اوونۍ د پروگرام کوربه داود اعظمي دى.

دا پروگرام ددي ځاى پر کيکاږلو اوريدلى شى

بيا په جنګ ښکاري هوا او څراغونه
خدايه بچ ساتې رڼا او څراغونه

يه مرګيه ماشومان مې راته خاندي
سره پريږده څو شپې ما او څراغونه

خپل مخونه ستا د مخ په رڼا وينځي
لمر، سپوږمئ، ستوري، بريښنا او څراغونه

په دې نور پسې سپيڅلو خلکو مه ځئ
يو ځاى شوي دي بلا او څراغونه

د وطن په هديرو کې وي درويشه
هره شپه نرۍ ژړا او څراغونه

د هنر او ادب پاڼې ته د دې ځاى په کېکاږلو ستانۀ شئ