سروې وموندله ډير عراقيان فکر کوي چې راتلونکي څو کلونو کې به يې ژوندښه شي

عراق کې په١٠٠ کې ٧٠ وگړو وويل چې ژوند يې ښه دى. خو نظر پوښتنې ښئ چې په ١٠٠ کې ٥٠ کسان وايي چې امنيت يې ښه نه دى.

په دغې سروې کې له ١٧٠٠ وگړو څخه بيلې پوښتنې وشوې چې ډير و يې وويل چې په هيواد کې د امريکا په مشرۍ د ښکيلاک خلاف دي.

خو لدې سره جوخت ډيرو وگړو ومنله چې غواړي بهرني ځواکونه تر هغه مهاله پوري په هيواد کې يې پاتې شي چې امنيتي حالات ښه کيږي.

د عمومي شرايطو په اړه له نيمايي څخه ډيرو وگړو هغه په زړه پوري وبلل او وويل چې د زدکړې،روغتيا،جرايمو د ژغورنې، اقتصاد او امنيت په برخو کې ښه والى راغلى دى.

د عراق د راتلونکي جوړښت په اړه په ١٠ کې ٧ وگړو وويل چې داسي عراق غواړي چې حکومت يې پياوړى وي