په بس کې د اور لوبو لپاره يوه پټاکۍ د تيلو د ټانکۍ لاندې وچاوده او اور بل شو .

د پوليسو ترمخه د اورلوبو يوه پټاخۍ چې د وادۀ د لمانځنو لپاره غورځول شوې وه د تيلو د ټانکۍ لاندې وچاوديده . پوليس وايي په وژل شويو کې د ډيرو هغه مهال ساه بنده شوه چې له بسه يې د وتلو هڅه کوله بس يوازې يوه دروازه لرله .

په وژل شويو کې ډيره برخه د ښځو او ماشومانو ده . ناوې او زوم روغ رمټ دي .

په لاهور کې د بي بي سي يو خبريال وايي د ژمي په پيل کې د پاکستان په ودونو کې اورلوبې ډيرې کاريږي چې د هغو له امله دې ته ورته نورې پېښې هم پخوا شوي دي .

ځينو عيني شاهدانو د پاکستان خصوصي تلويزيوني کانالونو ته وويل چې د اور تر لگيدو ښه ساعت وروسته پورې اور وژونکي نه وو .

د بس چلونکى روغ رمټ وتلى دى او هغه وايي چې په سپرليو کې چا پټاکۍ له کړکۍ دباندې غورځوله خو هغه په بس کې دننه وچاوديده .

ژغورونکي ويره لري چې ښايي د وژل شويو کسانو شميره ډيره شي . د ځينو ټپيانو درملنه اوس په روغتونونو کې روانه ده .

د پاکستان ځانگړې پاڼې ته د دې ځاې په کېکاږلو ستنيدلى شئ