دا په تيرو لسو کالو کې لومړى ځل دى چې مانچسټر يونايټډ دومره ژر له اروپايي اتلوليو وځي .

دا په تيرو لسو کالو کې لومړى ځل و چې مانچسټر يونايټډ له دغه ډول دريځ سره مخامخيږي .

مانچسټر د اروپا د اتلو لوبډلو اتلولي څو ځلې گټلې ده چې په وروستي ځل دغه وياړ په ١٩٩٩ کال کې ورپه برخه شو .

سږ کال دوى په ډي گروپ کې د د اسپانيا له ويليريال ، د پرتگال له بنفيکا او د فرانسې له ليلي لوبډلو سره مخامخ وو .

د لومړي پړاو له شپږو لوبو مانچستر ايله يوه لوبه وگټله درې يې مساوي او دوه يې وبايللې .

له دغۀ گروپه د دوو دوو لوبو په گټلو اسپانيوي او پرتگالي لوبډلې دويم پړاو ته ووتلې .

د انگلستان له غاړې ارسنل ، چلسي او ليورپول دويم پړاو ته رسيدلي دي .

داسې اټکل دى چې مانچسټر يونايټډ له دې ماتې سره نژدې ٢٥ ميليونه ډالره زيان ليدلى دى . دغه پيسې به دوى د تلويزيون ، ټکټونو او انعامونو په توگه ترلاسه کولې .