په پوله د تلاشيو له امله ستونزهپيدا شوه او لانجه هغه وخت پېښه شوه چې يو پاکستانى پوله ساتى د افغانستان غاړې ته واوښت .

د پا کستان د سرحدي ځواکونو يوه لوړ پوړي چارواکي ويلي افغان لوري د تېرې شپې په وروستيو کې د دوى عسکر بيرته ور خوشي کړي خو ادعا کوي چې ډير بد چلند ورسره شوى دى .

د افغانستان ددفاع وزارت وايي دوى وروسته له هغه دغه پا کستاني عسکر نيولى و چې په نا قانونه توگه د افغانستان خاورې ته واوښت .

رپورټونه د نښتې يادونه کوي چې پکې درې کسان ټپيان شوي دي .

د چمن - سپين بولدک پوله د افغانستان او پا کستان تر منځ له تورخم څخه وروسته دويمه مهمه سرحدي لاره ده .

د رپورټونو ترمخه له دغې لارې هره ورځ په لس گونو زره خلک د افغانستان او
پاکستان تر منځ تگ راتگ کوي .

همدا راز دسپين بولدک لاره د مر کزي اسيا او د پا کستان ترمنځ يوه مهمه ترانزيتي لاره ده .

بر سيره پر دې د افغانستان په جنوب کې د امريکا په مشرۍ ځواکونه زياتره خپلې اړتياوې له همدې لارې برابروي .

دغه لاره لا تر اوسه تړلې پاتې شوې ، په سپين بولدک کې د پاکستان د سرحدي ځواکونو يو چارواکى وايي دوى د لارې د بيرته پرانيستو لپاره د مر کزي
حکو مت امر ته سترگې په لاره دي .