د عاج ساحل مدافع لوبغاړى مسينا په ايټاليا کې د لوبو پر وخت ژړا ته ورسيد .

د اويفا مرستيال مشر، پير راون اومدال په بروکسل کې د اروپايي پارلمان غړو ته وويل چې اويفا دغه رازچمتو ده په خورا جدي حالاتو کې لوبډلې له اروپايي سياليو څخه وشړي.

تېره يکشنبه د عاج ساحل دفاع کوونکى مارک زورو چې د ايټاليا د سياليو په لومړي پړوا کې د مېسېنا لوبډلې لپاره لوبېده، د اينټر ميلان د مينه والو په چيغو ژړا ته ورسېده او گواښ يې کړى وو چې له لوبې نه به ووځي.

څو مياشتې وړاندې د اسپانيا او انگلستان ترمنځ په مادريد کې د فوټبال د يوې نړيوالې دوستانه لوبې په ترڅ کې د انگلستان د تور پوستيو لوبغاړو پر ضد نسل پالې غږونه وو چې وروسته بيا د اسپانيا فوټبال فدراسيون ته خبردارى ورکړل شو .

په اسپانيا کې د کلبونو ترمنځ لوبو کې هم نسل پالې غږونه اوريدل کيږي .

په انگلستان کې د ادسنل لوبډلې کپتان تيري هانري د نسل پالنې خلاف يو کمپاين پيل کړى او فکر کوي چې تر يوۀ ځايه په دې هڅو کې بريالى دى .