د پيټر شارپ ليکنه

	مصرۍ سندرغاړې او نڅاگرې ملاتړي موندلي او مخالفان يې هم ډير دي .

د موسيقۍ دغه ډول وډيوګانې ددې وړ دي چې د ځوانانو د خوښې په رستورانتونو، هټيو او ډيسكو يا د نڅا په كلبونو كې وغږول شي .

څرنګه چې نوماندې ښځينه ستورې په لږو جامو كې راښكاره شي ، د مصريانو تر منځ ناندرۍ راولاړوي ځكه چې زياتره يې مسلمانان دي .

روبي له ګردو څخه نوماندې ستورې ده .

دا د مصر ده او په سندرو كې يې د لوڅو نڅا ګانو له كبله د هغه هيواد پارلمان څو ځلې پر هغې د بنديز غوښتنه كړې ده .

٢٥كلن رافيل د روبي مينه وال دى . دى وايي :

(( روبي مې ډيره خوښيږي - روبي داسې ګډا كوي لكه څوك چې يې نه ويني _ هغه له كيمرې څخه هيڅ ويره نه لري داسې بريښي لكه هغه چې ځان ته ناڅي .))

د ډيرى ځوانانو په خبره تر اوسه روبي ډيرې پولې ماتې كړي دي .

١٧ كلن احمد عصمت وايي :

(( هغه خپل وجود په ناسمه توګه كاروي – كه د هغې په وډيوګانو كې كومه لوڅه نڅا نه وي هغه نه مشهوريږي، ډير داسې خلك شته چې د روبي وډيو ګانې يې نه خوښيږي . كله چې د روبي نوى وډيو بازار ته راشي نو داد ځوانانو ترمنځ د خبرو موضوع وګرځي . ځوانان راغونډيږي او هغه ګوري ،خو له يو ځل يا دوه ځل لېدو څخه وروسته د ځوانانو په نظر كې هم د هغې په وړاندې توپير رامنځته شي او بيا وايي چې دا سندرې نه دي د سندرې له نامه جنسي روږدېدنه ( پارنوګرافي ) ده )).

د روبي پروډيوسر شريف صابري لپاره دا نوې خبرې نه دي .

هغه وايي چې روبي د وډيوي هنرواله ده ، لوڅه نڅا خو ډيره ښه ده خو كله چې هغه ناڅي له دې هم وراوړي او ښايسته كيږي .