حنان حبيبزى ( بلخ ولايت افغانستان )

	د روغتيا وزير وايي د خصوصي سيکتور له خوا دغه درمل باکفايته خو وړيا دي .

د افغانستان د عامې روغتيا وزارت وايي چې د خصوصي سكتورونو له خوا په دغه هيواد كې اته فابريكې جوړې شوي دي چې دا به هم ارزانه بيه دارو توليد كړي .

ډاكټر سيد امين فاطمي هيله ښيي چې دغه فابريكې به داسې باكيفيته دارو توليد كړي چې ارزانه بيه ولري .

ددې هيواد په بازارونو كې د درملتونونوشمېر مخ په زياتېدو دى او ويل كيږي چې په قانوني او ناقانونه ډول درمل پلوري .

د عامې روغتيا وزيرښاغلى فاطمي وايي چې له دې وروسته به چا ته اجازه ورنه كړي چې د هيوادوالو له روغتيا سره لوبې وكړي .

دا خصوصي سكټورونه دي چې افغانستان ته دارو درمل راليږدوي . په مزار شريف كې د درملو يو كارپوه او د روحي ناروغيو متخصص ډاكټر نادر عالمي وايي ځينې كمپنۍ په قانوني توګه په افغانستان كې پر درملو پانګه اچونه كوي او ځينې نور يې پر ناقانونه توګه کوي.

د افغانستان د خلكو اقتصادي ستونزو ته په پام سره ارزان بيه دارو ډير اغيزناك پريوتي دي . کارپوهان

ځينې خلك ګومان كوي چې ارزان بيه درمل د ښه اغېز پر ځاى ناوړه اغېز پر ځاى پريږدي او د ناروغانو د درملنې لپاره ډير اغېزناك نه دي .

خو كارپوهان وايي چې د افغانستان د خلكو اقتصادي ستونزو ته په پام سره ارزان بيه دارو ډير اغيزناك پريوتي دي .

افغانستان ته زياتره درمل له تركيې ، هندوستان ، پاكستان ، ايران او چين څخه راليږدول كيږي .

د عامې روغتيا چارواكي وايي چې سوداګر لومړى د درملو نښه يا سمپل دوى ته راوړي او پلټنې پرې تر سره كيږي . سوداګر بيا په دغه وزارت كې د درملو له تجزې وروسته چې د هغو د كيفيت په اړوند شكونه كړي ، كولى شي چې له ګمرك وروسته يې درمل د افغانستان بازارونو ته وړاندې كړي .

د افغانستان په شمال كې د فارميسۍ يو چارواكى شكرالله وايي چې هڅه كوي ناقانونه درمل په بازار كې نه وي .

خو كه تاسو په لويو ښارونو كې كوڅو ته ووځۍ وينئ چې د سړكونو پر غاړو هم ځينې كسان ډير قيمتي دارو درمل د سيمه ييزو غرنيو بوټو ترڅنګ پلوري .

ځنې خلك شك كوي چې په افغانستان كې لا هم داسې يو ماشين نشته چې ددرملو د توكو د تجزې لپاره وكارول شي .

كارپوهان فكر كوي چې افغانستان د درملو له سترو مصرف كونكو هيوادونو څخه دى او د درملو د تجزې لپاره ارومرو دغه ډول ماشينونه په ګردو لويو ښارونو كې بايد شته وي .

افغانستان ته زياتره درمل له تركيې ، هندوستان ، پاكستان ، ايران او چين څخه راليږدول كيږي

په مزار شريف كې د درملو يو پلورونكى عبدالكريم د همدې خبرې تر څنګ وايي چې ځينې درملتونونه هغه درمل پلوري چې د افغانستان د عامې روغتيا چارواكي يې ناقانونه بولي .

خو چارواكي هغه خبر ردوي چې ګواکې د افغانستان له روغتونونو څخه د مرستندويه ټولنو له خوا په وړيا توګه وركړل شوي درمل غلا او بيا بازار ته وړاندې كيږي .