له تيرو ١٥ کلونو څخه په دغې نړيوالې مشاعرې کې د نړۍ له بيلا بيلو هيوادونو شاعران برخه اخلي .

سږکال يې اتمه غونډه د نوامبر له ١٦ تر ٢٧(د لړم له ٢٦ د ليندۍ تر٦ ) پورې دوام لري.

سږکال ورته ٢٤ فرانسوي ژبي او ١٨ بهرني شاعران راغوښتل شوي.

د سږنۍ غونډې بهرني مېلمانه له افغانستان ، المان، الجزاير، ايران، ايسلنډ، اسرايلو، ايټاليې، فلسطين، پيرو، پولينډ، روسيې او ويتنام څخه راغلي دي.

د پښتو ژبې زلمی شاعر ښاغلی نذير احمد نذير او د دري ژبې شاعره آغلې عزيزه خوشنصيب په کې د افغانستان استازي دي.

په دغو ١٠ورځو کې به په بلوونکي ولايت او د فرانسې په نورو ګڼو ښارونو او ولايتونو کې د ٤٠ غونډو او محفلونو په ترڅ کې مېلمانه شاعران خپل اثار مينه والو ته وړاندې کړي.