د ملگرو ملتونو د اتمي انرژۍ ټولنه وايي ايران بايد نوره همکاري هم وکړي .

ايران وايي چې دوى ته دا معلومات د پاکستان د اتمي انرژۍ چلوونکي ، رسوا شوي ساينسپوه ، عبدالقدير خان ورکړي دي.

خو تهران وايي دوى ددغه لارښوونو او هداياتو لپاره غوښتنه نه وه کړې.

دا خبر د ملگرو ملتونو د اتمي انرژۍ د ټولنې له خواپه يوه رپورټ کې ورکړل شوى چې راتلونکې اوونۍ يې د ادارې د مشرانو غونډه کېدونکې ده.

په دې غونډه کې دا رايه اخيستل کېږي چې ايا ايران دخپل اتومي پروگرام پر سر د ملگرو ملتونو د امنيت شورا ته د احتمالي اقتصادي بنديز لپاره وړاندې کړي که نه.

رپورټ وايي چې ايران له دوى سره په ځينو برخه کې همکاري ښه کړې ده خو دوى وايي چې ايران بايد لا ډير څه وکړي او مرسته لا ډيره کړي .