 | | | کوفي عنان د پاکستان تر ولکې لاندې د کشمير مرکز مظفر اباد ته ورغى او زلزله ځپلي يې وليدل . |
د ملگرو ملتونو سر منشي کوفي عنان په پا کستان کې د تېر ې مياشتې له زلزله ځپلو سيمو څخه کتنه کړې او يو وار بيا يې په دغه سيمه کې له زلزله ځپلو او د سيمي دبيا رغونې له چارې سره د مرسته ورکوونکو له غونډې وړاندې د بېړنېو مرستو په کولو ټينگار کړى . د پاکستان تر ولکې لاندې د کشمير له زلزله ځپلو سيمو نه د کتنې په مهال ولسمشر پرويز مشرف هم له کوفي عنان سره ملگرى وه. ولسمشر پرويز مشرف چې په غوښتنه يې سبا ( ٣٠ لړم د نومبر ١٩ ) په اسلام اباد کې د مرسته ورکوونکو هيوادونو او ټولنو غونډه جوړيږي تمه کوي چې ددې غونډې په ترڅ کې به په ميلونونو ډالره مرسته تر لاسه کړي. ښاغلي عنان د ولسمشر مشرف د پنځه ميلياردو ډالرو مرستې د تر لاسه کولو له غوښتنې نه ملاتړ کړى دى . د اکتوبر په ٨ نېټه هغې زلزلې چې پاکستان ، هند او د افغانستان ځينې سيمې ځي وځپلې يوازې په پاکستان کې څو اويا زره کسان ووژل او نژدې ١٠٠ زره نور يې ټپيان کړل . | 
غالب: د نشه يي توکو قاچاق کې چارواکي لاس لري
