په دې وروستيو کې څو ځلي د کابل په هوايي ډگر قاچاق وړونکي نيول شوي دي .

چارواکي وايي دغو کسانو يوه اندازه هيروين په خپلو بيکونو او کاليو کى ځاى پرځاى کړى وو او غوښتل يې چى د آريانا افغان الوتکې کې دوبۍ ته ولاړشي.

نوموړي قاچاق وړونکي چې يو يې نارينه او بله يې ښځه ده د افريقا د لويې وچې د گينيا هيواد اوسيدونکي دي .

د کابل د هوايې ډگر قومندان جنرال امين الله وويل ، له قاچاق وړونکو نه پوښتنې گرويژنې پيل شوي دي .

دوى وويل، افغان پوليس د قاچاق وړونکو د يوې لويې شبکې په لټه کې دي.

دا په داسى حال کې ده چې په دې وروستيو کې د کابل په هوايې ډگر کې يو شمير جعلي پاسپورټونه هم نيول شوي وۀ .