حکيم سمسور له کابله

	د سوداگرۍ وزېرهدايت امين ارسلا وويل چې د سوداگرۍ او نورو قوانينو د سمون په برخه کې باېد ډېر څه وشي

دده په وېنا ، د نړۍ د سوداگرۍ سازمان په غړيتوب سره به ، افغانستان دا شو نتيا ترلاسه کړي چې په ښو شرايطو پر وارداتو سربيره ، د نړۍ بېلابېلو بازارونو ته خپل سوداگرېز توکي هم صادر کړي .

خو د چارو د کار پوهانو په وينا، بايد هڅه وشي چې د هيواد د صادراتو د کچې د لوړولو لپاره ، په افغانستان کې صادراتي توکي د نړيوال ستاندرد له معيارونو سر ه برابر توليد شي .

بل لورته ، د افغانستان داقتصاد وزير محمد امين فرهنگ باور ښيې چې افغانستان د منځنۍ او سويلي آسيا تر منځ د ترانزيتي لارې د جغرافيايي ارزښت په درلودلو سره ، د دبلېو ټي او د سازمان د غړيتوب په ترلاسه کولو سره ، په سيمه او نړۍ کې به د سوداگرۍ په پر مختيا کې مهم رول ولوبوي .

د چارو کار پوهان هم ورته نظر لري . د کابل پو هنتون د اقتصاد د پو هنځي استاد حميد الله فاروقي وايي که چيرې افغانستان د نړۍ د سوداگرۍ د سازمان غړيتوب ترلاسه کړي ، نو په وينا يې چې ټول هغه خنډونه چې د نړيوالې سوداگرۍ په برخه کې دامهال د افغانستان په وړاندې شته ، له مېنځه و لاړ شي .

خو پوښتنه داده چې افغانستان به په څومره وخت کې ددغه سازمان غړيتوب ترلاسه کړي . ځکه د غوښتنو سره سره ، د سعودي عربستان په څېر ځيني هيوادونه ، د١٠کلونو په اوږدو کې ددغه سازما ن په غړيتوب منل شوي دي .

د دبليو ټي او د سازمان د سکرتر جنرال مرستيا ل ، اجيندرو جرا ، دا د هغو سمونونو په چټکتيا پورې تړي چې په سازمان کې دمنل کېدو لپاره بايد چې په افغانستان کې رامېنځته شي ، خو ټېنگار کوي چې افغانستان ته به دغه لاره ډېره ستونزمنه نه وي .

د نړۍ ١٤٨ هېوادونه دا مهال ، د دبليو ټې او غړي دي چې افغانستان په کې اوس يوازې څارونکى دى .