د اکتوبر د ٨ نېټې زلزلې د پاکستان شمالي سيمې ډيرې ځپلې دي .

د پاکستان د سرحد ايالت چې د اکتوبر د ٨ نېټې زلزلې ډير ځپلى دى غوښتنه کړې چې لږ تر لږه دې د يوۀ کال لپاره پاکستان نوې وسلې نه اخلي .

خو جنرال مشرف وويل پاکستان لا تر اوسه له گواښونو سره مخامخ دى او دغو گواښونو ته په پام سره بايد پوځي بودجه کمه نه شي .

ښاغلي مشرف استدلال وکړ چې د څونامي تر ناورين وروسته څونامي ځپلو هيوادونو خپلې پوځي بودجې کمې نه کړې پاکستان هم بايد دا کار ونه کړي .

د ٢٠٠٤ کال په پاى کې څونامي د يو شمير نورو هيوادونو په گډون د پاکستان لوى سيال هند ډير وځاپۀ .