کراچۍ د پاکستان تر ټولو لوى سوداگريز مرکز دى خو تاوتريخواليو ځپلى دى .

تر دې وړاندې رپورټونو ښوول چې شپږ کسان وژل شوي دي .

په چاودنه کې ١٥ کسان ژوبل دي چې د ځينو حالت يې ډېر خراب دى.

چاودنه د ښار د گڼې گوڼې په يوه بازر کې وشوه دغه وخت خلک خپلو کارونو ته روان وو.

د يوۀ عيني شاهد له خولې ويل کېږي چې چاودنه په يوه رسټورانت کې وشوه.

دغه رستورانت د يوۀ مشهور امريکايي شرکت و چې په کراچۍ کې له تيرو څو کلونو پرانيستل شوى دى .

وړمه ورځ د پاکستان ولسمشر پرويز مشرف ويلي وو چې په پاکستان کې به امريکايي رستورانونو ته کوم گواښ نه پېښيږي .

په همدې ترڅ کې اوس د پاکستان او انگلستان ترمنځ د کريکټ د يوې نړيوالې يوه ورځنۍ لوبې په باب هم خبرې کيږي چې په کراچۍ کې وشي که نه .

انگلستان د امنيت له امله په کراچۍ کې لوبه نه غوښته .