 | | | جنرال مشرف له اسراييلي مشرتابۀ سره په غير رسمي غونډو کې سږ کال وليدل . |
د پاکستان ولسمشر جنرال پروېز مشرف وايي چې له اسراييلو سره اړيکې ساتل هغه ستراتيژيک گام دى چې پاکستان ورته اړتيا لري. له يوۀ امريکايي تلويزيون سره په مرکه کې ښاغلي مشرف ويلي دي چې د هيواد اکثره وگړي د اسراييلو په اړه د حکومتي تگلارې ملاتړ کوي. ده زياته کړه چې له اسراييلو سره ديپلوماتيک تماس تر هغو لږ خطر لري چې له تندلارو سره اړيکي وساتل شي . په پاکستان کې تندلاري د حکومتي تگلارې مخالفت کوي خو ښاغلى مشرف وايي دغه گام يې د غزې د تراډې نه د يهودانو له ايستلو وروسته اخستى دى. په دې وروستيو کې رسنيو خبر ورکړ چې يو پاکستانى پلاوى اسراييل ته تللى دى خو پاکستاني چارواکو ويل چې دا کار يې د ځينو عربي هيوادونو په خوښه کړى دى .
| 
غالب: د نشه يي توکو قاچاق کې چارواکي لاس لري
