دا پېښه د کابل په ختيځ کې وشوه .

د پوليسو په وينا د بريدونو پاتې قربانيا ن عادې افغانان دي .

په کابل کې د پوليسو چارواکو سملاسي د دغو بريدونو پړه د طالبانو پر غاړه اچولې ده .

د مازېگر په نژدې دريو بجو باندې ، د موټر بم د لومړنى سرښندويه بريد څخه سمدستې وروسته ، د نړيوالو سوله ساتو ځواکونو پو ځي موټرو د پېښې سېمه کلابند کړه او د خبريالانو په گډون يې چاته اجازه نه ورکوله چې د بريد سيمې ته نژدې شي .

خو له همدغه واټن څخه د کورلا ډوله هغه موټر خورې ورې ټوټې ښکارېدې چې سرښندويه بريدکوونکي د کابل جلال اباد پر سړک ، د ټاکنو د سمبالوونکي دفتر مخې ته د نړيوالو سوله ساتې ځواکونو پورې اړوند ، د جرمني د يو پوځي جيپ ډوله موټر تر څنگ ، چولى وو .

د ايساف دغه موټر په ظاهره ، ډير زيانمن شوى نه وو ، خو د کابل د پوليسو يوه چارواکي چې د خپل نوم له يادولو څخه ډډه وکړه ، د پېښې په ځاى کې بي بي سي ته وويل چې په موټر کې سپور د جرمني يو سرتيرى وژلى او دوه تنه نوريې ټپېان شوي دي .

خو له دغې چاودنې څه باندې يوساعت وروسته، ١٠٠ متره د ښار وخواته په يوه ټکسي موټر دويم ځان مرگې بريد ترسره شو چې د عيني شاهدانو په وينا د يوې ښځې او ماشوم په گډون په دغه بريد کې لږ ترلږه درې ملکي کسان وژل شوي او شاوخوا د و ه تنه نور ټپيان شوي دي .

په سيمه کې د ځينو نورو عينې شاهدانو له خولې چې يو دريم موټر چې گواکې د دريمې چاودنې په موخه سيمې کې د پوليسو پر لورې نژدې کيده ، پو ليسو پرې ډزي کړي دي ، خو داچې په دې موټر کې څو ک وو او ايا د پوليسو په ډزو کې په موټر کې څوک ټپيان شوي دي او که نه ، جزئيات نه دي څرگند شوي .

دا په تيره يو ه نيمه مياشت کې دريمه چاودنه ده چې کابل ښار ته څېرمه د کابل جلال اباد پر سړک تر سره کېږې .

په افغانستان کې د پارلماني ټاکنو څخه څو ورځې مخکې همدلته د ملي پو ځ د
پو ځيانو د روزنې د مرکز په وړاندې په يوې چاودنې کې د ملي پوځ ١٢ سرتيري وژل شوي او ٢٨کسان ټپيان شوي دي .