د انگلستان لوبغاړو په لومړنۍ پاڼې کې د ١٤٤ منډو لاسبري لرله

په دغې لوبې کې لومړى پاکستان پر منډو جوړولو پيل وکړ خو د ٢٧٤ منډو په جوړولو يې ټوله لوبډله وسوځيدله .

د پاکستان له خوا سلمان بټ ٧٤ او انمام الحق ٥٣ منډې وکړې خو نور لوبغاړي يې ډير ونه ځليدل .

د انگلستان له خوا انرديو فلنټاف د ٦٨ منډو په ورکولو ٤ لوبغاړي وسوځول .

د انگلستان د منډو چوړولو پيل ښه نه و . ايله په ١٨ منډو يې لوبغاړى سټراوس وسوځيد خو ترسکاتيک د ١٩٣ منډو په کولو انگلستان ته د ١٤٤ منډو برلاسي ورکړه خو د دريمې ورځې په پاى کې پاکستان په خپلې دويمې پاڼۍ کې د دوو لوبغاړو په سوځيدو ١٢٥ منډې کړې وې .

داسې ښکاري چې که پاکستان تر ٢٠٠ ډيرې منډې ولري نو په دوهمه پاڼۍ کې به انگلستان د دغو منډو په کولو کې ډيرې ستونزې ولري .

په همدې دليل د کريکټ لوبې شننونکي دغه لوبه له درو ورځو وروسته مساوي گڼي خو دا امکان ډير دى چې د لوبې په پاى کې يوه نه يوه غاړه بريالۍ شي .