يونس خان په تير يوۀ کال کې د پاکستان يو له برياليو منډه جوړونکو څخه دى .

په مردان کې د زيږيدلي يونس خان دا خبرې له انگلستان سره د پاکستان د نوې پنځه ورځنۍ لړۍ د لومړنۍ لوبې تر پيل يوه ورځ وړاندې شوې دي .

پاکستان به سبا ( شنبه د لړم ٢١ د نومبر ١٢ ) د پنجاب په ملتان ښار کې پنځه ورځنۍ لوبه کوي .

په دغې لړۍ کې ټولې درې پنځه ورځنۍ او پنځه يو ورځنۍ لوبې کيدونکې دي .

انگلستان په لاهور کې د يوې ازمېښتي لوبې په ترڅ کې خپل کپتان مايکل ووان هغه وخت له لاسه ورکړ چې د زنگانۀ پخوانى ټپ يې تازه شو .

انگلستان هغه ازمېښتي لوبه وبايلله خو لوبغاړي يې ډاډه دي چې په پنځه ورځنۍ لوبه کې به په بل ډول لوبه وکړي .

د انگلستان مرستيال کپتان ترسکاټيک وايي د ووان نشتوالى لوى گوزار دى خو زموږ لوبغاړي نوې سيالۍ ته چمتو دي .

انگلستان سږ کال وروسته له نژدې دوو لسيزو استراليا ته په پنځه ورځنيو لوبو کې په لومړي ځل ماتې ورکړه .

پاکستان بيا په تيرو څو پنځه ورځنيو لړيو کې په خپل کور برى نه دى موندلى .

تير کال هندوستان په لومړي ځل پاکستان ته په پاکستان کې ماتې ورکړه خو پاکستان په هند کې د پنځه ورځنيو لوبو لړۍ مساوي ختمه کړه .