په نيپال کې هم د افغانستان غوندې اوس د کريکټ لوبې مينه وال ډير شوي دي .

دغه سيالۍ د ٢٠٠٧ کال د ١٩ کلنو کريکټ نړيوالو اتلوليو لپاره د غوراوي لوبې دي .

افغانستان په بي گروپ کې له ايران ، کويت او متحدو عربو اماراتو سره دى .

په خپلې لومړنۍ لوبې کې افغانستان له کويت څخه لوبه د شپږو لوبغاړو په سر وبايلله .

په هغې لوبې کې چې د سه شنبه په ورځ په نيپال کې ترسره شوه افغانستان ٢٠٠ منډې وکړې خو په ځواب کې يې د کويت لوبډلې ټاکلى هدف د څلورو لوبغاړو په سوځيدو ترلاسه کړ .

د اسيا په لويه وچه کې له هند ، سرېلنکا ، پاکستان او بنگله رېش څخه وروسته عرب امارات او کويت تر ټولو غښتلې کريکټ لوبډلې گڼل کيږي ځکه چې لوبغاړي يې د هند د نيمې وچې پخواني اوسيدونکي دي .

افغانستان به خپله دريمه لوبه د دوشنبه په ورځ له عربو اماراتو سره کوي .

دغو سياليو کې ١٥ هيوادونه برخه اخلي چې په څلورو گروپونووېشل شوي دي .