د " گل دودي " تر نامه لاندې د ناديا انجمن شعري مجموعه سږکال خپره شوه

د هرات د پولسو د جنايي څانگې مشر نثاراحمد پېکار بي بي سي ته وويل چې ناديا انجمن د شنبې په شپه ( دلړم ١٤مه ) دخپل مېړه له خوا د " وهلو ټکولو " نه پس د رسېدلو ټپونو وروسته مړه شوه.

پوليس وويل چې د انجمن پر بدن باندې د "سختو وهلو ټکولو " نښې ليدل کېدې .
پوليسو د ميرمن انجمن ميړه د هغې د قتل په تور نيولى دى او وايي چې په لومړنيو اختنو پوښتنو کې هغه د خپلې ښځې په وهلو ټکولو اعتراف کړى.

ناديا انجمن چې ٢٥ کلنه وه د ډيرو شاعرانو او ليکلوالو له نظره په هرات کې په شعر او غزل ويلو کې ډير مهارت درلود. ناديا انجمن په روان کال کې د " گل دودي " په نامه د خپلو شعرونو يوه مجموعه خپره کړې وه.

ناديا انجمن په ١٣٥٩ کال کې په هرات کې زيږيدلې او د ١٥ کلنۍ راهيسې ېې د شعر اوشاعري سره مينه درلوده .

د هرات يو شاعر او د ادبي ټولنې غړى فريدون آژند وايي چې د ميرمن ناديا په شعرونو کې نوې ژبه او نوى ډول احساسيده . هغه زياتوي چې " کيدايشواى ناديا په افغانستان کې د دري ژبې د شعر د راتلونکي لپاره يوه استثنا وگرځي ".

د هرات ډيرو افغانو شاعرانو د ناديا مړينه د افغانستان لپاره " يوه ادبي " فاجعه " وبلله