د افغانستان د ملي موزيم مشر عمرا خانم مسعودي بي بي سي ته وويل په لوگر ، ننگرهار او کاپيسا ولايتونو کې يې د موزيمونو لپاره مځکې پېرودلي دي .

ښاغلي مسعودي وويل په هرات کې وار دمخه موزيم شته خو د يوۀ کتابتون په ودانۍ کې دى . دى هيله وکړه چې په راتلونکي کې د هرات د موزيم لپاره هم بېله ودانۍ ومومي .

ښاغلي مسعودي له پېلوزي هنري ادبي پروگرام سره په مرکه کې دا هم وويل چې په باميانو کې يې هم شپږ جريبه مځکه ترلاسه کړې او تر هغې يې دېوال راگرځولى دى خو د ودانۍ د جوړولو لپاره د اوس لپاره د مالي مرستو لار څاري

د خوست ، بلخ ، بغلان او تخار په ولايتونو کې لا تر اوسه د موزيم چارواکي د مځکې په پېرودنې نه دي توانيدلي .

په افغانستان کې تر جگړو وړاندې له پلازمېنې کابل څخه پرته په پنځو ولايتونو کې موزيمونه وو خو د جگړو په کلونو کې ويجاړ شول .