 | | | د ويسټ انډيز لوبډلې ٧ استراليايي لوبغاړي وسوځول خو په پاى کې استراليا په ښه دريځ کې وه . |
د استراليا په برزبين ښار کې د کوربه هيواد او ويسټ انډيز ترمنځ په لومړنۍ پنځه ورځنۍ لوبه کې استراليا ته بلنه ورکړل شوه چې لومړى دوى منډې جوړي کړي . د استراليا کپتان ريکي پانټينگ د ١٤٩ منډو په کولو سره خپله لوبډله د لومړۍ ورځې په پاى کې په ډير پياوړي دريځ کې پرېښوده . استراليا د ٧ لوبغاړو په سوځيدلو ټولې ٣٤٠ منډې کړې وې . د ويسټ انډيز له خوا کاليمور څلور لوبغاړي وسوځول او وځليد . استراليا په دې وروستيو کې د نړيوالو لوبغاړو يوې ټاکل شوې لوبډلې ته په يو ورځنيو او پنځه ورځنۍ لوبه کې ماتې ورکړه . خو تر هغې وړاندې په انگلستان کې استراليايي لوبغاړو وروسته له نژدې دوو لسيزو د پنځه ورځنيو لوبو لړۍ وبايلله . | 
غالب: د نشه يي توکو قاچاق کې چارواکي لاس لري
