په پينډۍ کې انگلستان لوبه وگټله خو منډې جوړونکي يې ونه ځليدل .

ووان په پينډۍ کې د پاکستان د کريکټ بورډ له يوې غوره شوې لوبډلې پټرن ١١ سره تر لوبې وروسته خبرې کولې .

دغه درې ورځنۍ لوبه انگلستان وگټله خو په دواړو پاڼيو کې د انگلستان د سر منډه جوړونکي ونه توانيدل چې ښه لوبه وکړي .

انگلستان په لومړۍ پاڼۍ کې ايله ٢٥٦ منډې وکړې او نهه لوبغاړي يې وسوځيدل خو په پاڼۍ کې ټول لوبغاړي تش په ١١٢ منډو ستانۀ شول .

د انگلستان لپاره ښه خبد دا و چې د دوهم لاس غونډسک اچونکي يې وتوانيدل چې سياله لوبډله دوه ځلې وسوځوي او لوبه په ٥٢ منډو وگټي .

په دغه لوبه کې د انگلستان وتلي لوبغاړي لکه فلټاف او هارمسين لوبه نه کوله .

انگلستان به له پاکستان سره خپله لومړنۍ پنځه ورځنۍ لوبه په ملتان کې د نومبر په ١٢ نېټه کوي .