 | | | افغان حکومت له کروندگرو غواړي چې کوکنار ونه کري |
ولسمشر کرزي واليانو او دولايتونو امنيتي چارواکو ته امر کړى چې دکوکنارو د کر پر خلاف پياوړي گامونه پورته کړي. د واليانو او د ولايتونو د امنيتي چارواکو سره په يوه غونډه کې د افغانستان ولسمشر حامد کرزي وويل د هيواد ملي گټې غواړي چې د کوکنارو د کرهنې مخه ونيول شي . حامد کرزي وويل د کوکنارو د کر پر خلاف مبارزه دده د حکومت لپاره ډير زيات اهميت لري او د هغې د کرلو لپاره به هيڅ ډول پلمه ونه منل شي . ښاغلي کرزي وويل افغانستان به تر هغو پر خپلو پښو باندې ونه دريږي چې د ټينگې ارادې سره دا ستر گواښ په بشپړه توگه له منځه يو نه وړل شي. |  د کوکنارو کر يو غير قانوني کار دى چې قانون او دهيواد اقتصاد دواړه کمزورى کوي .  ولسمشرکرزى |
ولسمشر کرزي واليانو او د امنيې قوماندانانو ته وويل چې کروندگر او د ځمکو خاوندان پدې باندې خبر کړي چې حکومت ټينگ تکل کړى چې د کوکنارو کر بند کړي . ښاغلي کرزي وويل د کوکنارو کر يو غير قانوني کار دى چې قانون او دهيواد اقتصاد دواړه کمزورى کوي .
| 
غالب: د نشه يي توکو قاچاق کې چارواکي لاس لري
