د قرغزستان ولسمشر باکيوف او لومړى وزير کولوف دې غونډې ته سترگې په لاره دي .

تمه ده چې په دغۀ کانفرانس کې به نژدې ٢٠٠ ګډون کوونکي برخه اخلي چې په هغو کې د منځنۍ اسيا د سيمه ييز اقتصاد او همکارۍ د ټولنې له هيوادونو څخه وزيران هم شامل دي .

د ګاونډو هيوادونو څارونکي هم په دغۀ کانفرانس کې برخه اخلي . افغانستان او روسيه به په لومړي ځل په دغۀ کانفرانس کې برخه اخلي .

د منځنۍ اسيا د سيمه ييز اقتصاد او همکارۍ د ټولنې بنسټ د اسيا د پرمختيايي بانک په مرسته په ١٩٩٧ کال کې کېښودل شو .

دا ټولنه د هغو سيمه ييزو نوښتونو لپاره چې د سوداګريو ، ترانسپورتي اړيکو او د انرژۍ د سرچينو د سپړلو د غوړاوي لپاره دي ، جوړه شوې ده .

د دغې ټولنې اصلي غړيو کې اذربايجان ، چين ، قزاقستان ، قرغزستان ، منګوليا ، تاجيکستان او ازبکستان وو .