سپين تڼى لندن

	قارى برکت الله سليم له ماشومتوبه په ديني لوستونو پيل کړى

استاد قاري برکت الله سليم له نن نه ٥٢ يا مې غاړې مه بندوې ٥٣ کاله وړاندې د شينوارو په هسکه مېنه کې نړى ته راغلى دى .

له ماشومتوبه يې په ديني لوستونو پيل وکړ . وروسته دنورو ديني زده کړو لپاره مصر ته ولاړ او پنځه کاله يې په قاهره کې تيرکړل .

هلته يې له نوميالي استاد شيخ محمود خليل الحصري نه زده کړې وکړې .استاد قارى برکت الله سليم کولى شول په نولس کلنى کې دقران مجيد ٧ ډوله قراۀت وکړي .

له قاهرې نه تر راستنيدو وروسته لومړى په ننگرهارکې وو او بيا کابل ته راغى . د کابل په دارالعلوم او دارلحفاظ کې ښوونکى وو.

	برکت الله سليم قرآن شريف د تلاوت دوولس نړيوالې سيالۍ گټلې دي

١٦ کاله وړاندې ېې د سترگو د ليدو واک له لاسه ورکړ. په راډيوافغانستان کې د قرآن قاري وو . ددې ترڅنگ دافغانستان د قاريانود ټولنې مشر هم وو .

استاد د قرآن شريف د تلاوت دوولس نړيوالې سيالۍ گټلې دي چې په نړى کې داسې کم څوک موندلى شو . همدې چارې قاري برکت الله سليم د افغانانو د وياړ نښه گرځولې ده .

د افغانستان په راډيواوتلويزيون کې د قرآن کريم ٣٨٥ لوستونه لري . برکت الله سليم ته لوى خداى (ج) شعري استعداد هم ورکړى او د شعرونو يو کتاب يې چاپ شوى دى چې ناکامه مينه نوميږي .

قرآن شريف يې تفسير کړى دى او اوس هم شاگردان روزي . په کابل کې يوه شخصي مدرسه هم لرى .

په دې مدرسه کې ٧٦٠ زده کوونکي او١١ ښوونکي د ديني علومو په زده کړو لگيا دي .

قاري برکت الله سليم سره پوره مرکه ددې ځاې پر کيکاږلو اوريدلې شى