د پام و تول رپورټ

	ملالۍ جويا په لويه جرگه کې د جنگسالارانو پر ضد له غږ پورته کولو سره ډير خلک هېښ کړل .

تر هغو چې د ټول افغانستان پايلې نه وي اعلان شوې دا لا معلومه نه ده چې په له ملالۍ جويا سره به په ولسي جرگه کې نور کوم کسان ناست وي .

خو نابشپړې پايلې ښيي چې ډير هغه قومندانان په ځانگړې توگه ښه روان دي چې پر افغانستان باندې د شوروي اتحاد د يرغل په کلونو کې يې شهرت وموند .

د رپورټونو ترمخه په کابل کې دوه مخکښ کسان يو هزاره توکمى مشر محمد محقق او تاجيک توکمى يونس قانوني دى چې د حکومت مخالفو د يوۀ ايتلاف مشري کوي ، دوى دواړه تير کال د ولسمشر کرزي خلاف د ولسمشرۍ په ټاکنو کې کانديدان وو .

په شمال کې د بدخشان له ولايت څخه د ١٩٩٠ مو کلونو په ترڅ کې د مجاهدينو د ايتلافي ادارې ولسمشر برهان الدين رباني د رپورټونو ترمخه وړاندې دى .

په سويلي ولايت خوست کې د نجيب الله د کمونست حکومت يو مخکينى وزير سيد محمد گلاب زوى ښه روان دى .

پخواني مخکښه طالبان د رپورټونو ترمخه ډير بريالي نه دي . خو ملا عبدالسلام راکټي بيا ځليدلى دى . دۀ د راکټي لقب د توغنديو د ښه گوزار له امله ترلاسه کړى دى .