ايمل پسرلى
لندن |  |
| | | دا پروگرام هره اوونۍ د شنبه په ماښامنۍ خپرونه کې اوريدلى شئ . |
د پېلوزې د دې اوونۍ لنډ بحث د افغانستان د نوي ملي سرود په باب دی .د اساسي قانون له لويې جرګې ډير وخت تير شو خو د افغانستان دولت لا تر اوسه د يوۀ نوي ملي سرود په جوړولو نه دی توانيدلی . په دې وروستيو کې د ملي سرود لپاره د غوره شوي نظم وينونکي عبدالباري جهاني پر هغۀ کميسيون نيوکې کړې وې چې د دغۀ ملي سرود د غوره کولو چاره ورله غاړې ده . خو هغۀ کميسيون پړه ونه منله او وايي چې ځنډ د دوی له املۀ نه دی پېښ شوی . پېلوزې په دغۀ بحث کې د ملي سرود لپاره د غوره شوي کميسيون مرستيال وريځ ستانکزی او عبدالباري جهاني غږوي . په جرمني کې د هوتکيانو د ٣٠٠ مې کاليزې په وياړ جوړې شوې غونډې باندې رپورټ لرو او د افغانستان د اطلاعاتو و کلتور وزير مخدوم رهين اورو چې وايي د علامه استاد حبيبي د شلم تلين په مناسبت د دۀ وزارت يو سيمينار جوړوي . هنري ادبي خبرونه او د نويو پښتو کتابونو نوم لړ به دا ګڼه بشپړي . د پېلوزې هنري ادبي پروگرام د سيمې او نړۍ ادبي او هنري مسايل په بحث ، مرکې او خبر کې رانغاړي . دا پروگرام هره اوونۍ د شنبه په ماښامنۍ ، د يکشنبه په سهارنۍ او د دوشنبه په ماپښينۍ خپرونه کې اوريدلى شئ . | 
دا پاڼه کوم ملگري ته ولېږئ
چاپي بڼه
