بوش وايي دى غواړي چې د منځني ختيځ د سولې بهير گړندى شي

ولسمشر بوش په ډاگه کړه چې د اردن له پاچا عبدالله نه يې غوښتي چې د اسراييلو له لومړي وزير آريل شارون او د فلسطين له مشر محمود عباس سره د منځني ختيځ د سولې بهير د پرمختگ لپاره وغږېږي.

په واشگنتن کې د اردن له پاچا سره د کتنې پر مهال ولسمشر بوش وويل چې پاچا عبدالله د هغه غوښتنه ومنله.

ولسمشر بوش پاچا عبدالله وستايه او يې ويل چې د هغه معقول غږ به له خبرو سره ډېره مرسته وکړي.