ټنډولکر په هند کې خورا ډير مينه وال لري .

د هند نامتو کريکټ لوبغاړي په ډاگه کړې ده چې راتلونکې مياشت له استراليا سره د نړيوالې لوبډلې په لوبه کې برخه نه شي اخيستى .

سچن ټنډولکر ټپي دى او په روانه اوونۍ کې له زمبابوې سره د هندوستان په لوبو کې هم برخه وال نه دى .

راتلونکې مياشت ( اکتوبر _ تله ) کې به استراليا د کريکټ د نړيوال اتل هيواد په توگه د نړۍ له يوې ټاکل شوې لوبډلې سره لوبه کوي چې په هغې کې د هند ستورى ټنډولکر هم غوره شوى و .

د ټنډولکر پر ځاى به اوس د پاکستان انظمام الحق او يا هم د انگلستان مايکل وان ټاکل کيږي . دغه دواړه لوبغاړي د خپلو ملي لوبډلو کپتانان دي .