متحده ايالات پر ايران تور لگوي چې په پټه د اتمي وسلو د جوړېدو هڅې کوي

نو موړي دغه خبرې د ملگرو ملتونو د عمومي اسامبلۍ له غړو سره خبرو تر وروسته د هستوي وسلو د نه خپريدو د څانگې IAEA له څارونکو سره د تبصرو په مهال کړي دي .

د ايران مرستيال ولسمشر ويلي چې د اروپايي ټولنې او دامريکا متحدو ايالاتو دهغه غوښتنوپر ضد ملاتړ او خواخوږي راټولوي چې غواړې د ايران هستوي پروگرام مسله امنيت شورا ته وړاندې کړي.

ښاغلي اغازاده زياته کړه چې د روسيې چين او بې پرې هېوادونوغورځنگ له استازيو سره يې خبرې ډېرې اړيني او گټورې وې.

ده وويل چې ددې خبرو اترو پايلې به د اتمي انرژۍ نړيوالې ادارې د چارواکو پر غونډې لوى اغېز پرېږدي.د ادارې چارواکي اوس داروپايانو لخوا د يوه پرېکړه ليک مسوده سنجوي چې ايران د امنيت شورا ته وړاندې کړي .

خو روسيه چين او نور پرمختيايي هېوادونه ددې تکل مخالف دي. متحده ايالات پر ايران تور لگوي چې په پټه د آتومي وسلو د جوړېدو هڅې کوي خو ايران دا تورنه ردوي.