محمود کوچى کابل

	رونالد نيومن افغانانو ته د ټاکنو مبارکې ورکړه

رونالد نيومن ټاکنو کې د افغان ښځو ونډه پراخه او د ستايلو وړ وبلله. نوموړي وويل، اوسني حالات بايد له څلور کاله وړاندي سره پرتله شي چې طالبانو ښځې له ټولو حقونو بې برخې کړې وې.

د ښاغلي نيومن په وينا، کله چې د زلمي خليزاد په ځاې کابل کې د متحدو ايالاتو د سفير په توگه وټاکل شو، ولسمشر جورج بوش ورته وويل – امريکا به اوږدې مودې لپاره افغانستان کې پاتې شې.

د امريکا اوږدمهالى شتون  افغانستان ته له راتلو دمخه ولسمشر بوش راته وويل، امريکا به د اوږدې مودې لپاره – افغانستان کې خپل شتون وساتي. رونالد نيومن

د امريکا د سفير په اند، ډيرۍ افغانان خپل هيواد کې د امريکاي پوځيانو د شتون ملاتړ کوي. نوموړي هيله څرگنده کړه چې د راتلونکي پارلمان غړې به هم ورته اند ولري. رونالد نيومن وويل، کله چې افغانستان له امنيتي او اقتصادي پلوه پخپلو پښو ودريږي نو امريکا به خپل سرتيرې له افغانستان وباسي.

ناټو ته د قومندې سپارل

٢٠٠١ م کال کي د طالبانو د واکمنې له نسکورولو راپديخوا زرگونه امريکاې پوځيان افغانستان کې ميشت دي. پدي وروستيو کې د متحدو ايالاتو د دفاع وزارت د شمالې اتلانتيک د تړون له سازمان يا (ناټو) وغوښتل چې، افغانستان کې د نړيوالو اييتلافي ځواکونو قومنده واخلي، او پدې توگه له افغانستان څخه د يو شمير امريکاي سرتيرو د ايستلو لپاره لار پرانيزي.

خو جرمني، فرانسه او هسپانيه انديښنه لري چې، د دوې سوله پالو ځواکونو ته د اييتلافي ځواکونو دجگړييز ماموريت ورسپارل به سوله پاله سرتيرې له نورو گواښونو سره مخامخ کړي.