يوحانا تر يوۀ وخته د ملي لوبډلې مرستيال کپتان هم و .

د رايټرز خبري اژانس رپورټ ورکوي چې د پاکستان د کريکټ لوبډلې مخکښ لوبغاړى او منډې جوړونکى يوسف يوحانا مسلمان شوى دى .

دى په دې وروستيو کې يوازينى پاکستانى عيسوي مذهبه و چې د کريکټ په ملي لوبډلې کې يې لوبه کوله .

يوحانا وايي له دې وروسته به يې نوم محمد يوسف وي . دۀ د خپلې ميرمنې او اولادونو په باب هم وويل چې مسلمان شوي دي .

يوحانا د پاکستان لپاره په ٥٩ پنځه ورځنيو لوبو او ٢٠٢ يو ورځنيو لوبو کې برخه اخيستې ده .

د پاکستان د کريکټ په ملي لوبډله کې يو هندو مذهبه لوبغاړى دانش کنيريا هم لوبه کوي .