انگلستان په ١٩٦٦ کال کې د فوټبال نړيوالې اتلولۍ گټلې وې .

د انگلستان د فوټبال ټولنې مامورين وايي دوى په خبرو بوخت دي چې د ٢٠١٨ کال د فوټبال د نړيوالو لوبو کوربانۀ شي .

د انگلستان د فوټبال ټولنې په ډاگه کړې ده چې دوى د ٢٠١٤ کال اتلوليو ته چې لا يې کوربه نه دى معلوم شوي غوښتنه نه کوي .

لندن په روان کال کې د ٢٠١٢ کال المپيک لوبو ته د کوربه ښار په توگه ونومول شو .

انگلستان يوازې يو ځل تر اوسه پورې د فوټبال د نړيوالو اتلوليو کوربه هيواد و . په ١٩٦٦ کال کې دغه اتلولۍ انگلستان گټلې وې .

په ٢٠٠٦ کال کې به جرمني د نړيوالو اتلوليو کوربه هيواد وي تر هغه څلور کاله وروسته به سويلي افريقا دغه وياړ لري . داسې باور دى چې د ٢٠١٤ کال لوبې ښايي د سويلي امريکا هيوادونه ورخپلې کړي .