 | | | ميرمن سيما ثمر په دې کانديدې د وسله وال بريد خبره په يوه خبري غونډې کې وکړه |
د افغانستان د بشري حقونود خپلواک کميسيون مشرې سيما ثمر نن په يوې خبري غونډې کې د نورستان ولايت نه ولسي جرگې ته د يوې کانديدې د ويشتل کيدو او له هغې سره د دريو تنو دتښتول کيدو خبر ورکړ. دغه پيښه پرون غرمه د وايگل په سيمه کې هغه مهال را منځ ته شوه چې نوموړې غوښتل د انتخاباتي هلو ځلو لپاره يوې سيمې ته ولاړه شي. د هغې د موټرو پر کاروان يو شمير نا پيژندل شويو وسله والو يرغل وکړ. داسي ويل کيږي چې د غه کانديده ټپي شوې او اوس مهال دکونړ ولايت د اسعدآباد ښار په روغتون کې تر درملنې لاندي ده. مېورمن ثمر ونه غوښتل چې د ويشتل شوې کانديدې او د هغې د تښتول شوي ملگرو پېژندنه وکړي، ځکه د هغېپه وينا تر اوسه پورې کره مالومات ندي تر لاسه شوي، خو زياته يې کړه چې په تښتول شويو کې دوه خبريالان هم شته، که څه هم دهغوى له پېژندگلوۍ نه يې هم ډډه وکړه. دا کار په داسې مهال کې کيږي چې د ولسي جرگې او ولايتي شوراگانوپه ټاکنو کې د رايو اچولو ته يوازې دوې ورځې پاتې دي. | 
دا پاڼه کوم ملگري ته ولېږئ
چاپي بڼه
