جنېت جليل اسلام آباد

	د افغانستان حکومت بيا بيا پاکستان تورن کړى چې د پولې له هغې غاړې نه د جگړه مارو بريدونو دمخنيوي لپاره پوره هلې ځلې نه کوي

د پوځ په وينا په نيول شويو کې يو شمېر مهم کسان يا بهرنيان هم شته ، خو نه وايي چې دوى څوک دي او له کومه ځايه راغلي دي. د عملياتو مسوول قوماندان وويل: پيچلي جنگي تجهيزات تر لاسه شوي ، چې يوه په کې په چين کې جوړه د جاسوسۍ بې پيلوټه کوچنۍ الوتکه هم ده چې اورپکو په سيمه کې د پوځ د خوځښتونو او مورچلود جوتولو لپاره کاروله.

هغه زياته کړه چې دوى دغه راز د مخابرې داسې وسايل هم موندلي چې په افغانستان کې د جگړه مارود لارښوونې لپاره کارول کېدل. پاکستانيانو دا موضوع ددې حقيقت د يوې بلې نښې په توگه ځلولې ده چې القاعده نوره په تېښته ده.

ولسمشر پروېز مشرف امريکا ته دخپل سفر په ترڅ کې وويل پاکستان نژدې دى چې د امريکا په مشرۍ د ترهگرۍ خلاف جگړه وگټي.

دا عمليات په داسې حال کې شوي چې ولسمشر پروېز مشرف امريکا ته دخپل سفر ه ترڅ کې وويل پاکستان نژدې دى چې د امريکا په مشرۍ د ترهگرۍ خلاف جگړه وگټي. خو نوموړى دغه راز تر دې فشار لاندې هم دى چې ثابته کړي پوځ يې د طالب جنگياليو د نوغي ايستلو ته چې د پاکستان خاوره پر افغانستان د بريدونو لپاره کاروي، هم ژمن دى.

د افغانستان حکومت بيا بيا پاکستان تورن کړى چې د پولې له هغې غاړې نه د جگړه مارو بريدونو دمخنيوي لپاره پوره هلې ځلې نه کوي. پاکستان دا تورونه ردوي او وايي لس گونو زرو عسکرو ته يې چې د اورپکو له خوا د افغانستان د راروانو پارلماني ټاکنو د گډوډۍ د مخنيوي لپاره يې ځاى پرځاى کړي، نور پوځيان هم وراستولي .

د القاعدې ډېر غړي چې اوس بنديان دي په پاکستان کې نيول شوي، خو له دې سره سره چې په قبايلي سيمو کې د پاکستان پوځي عمليات دا درې کاله روا دي، دغه هيواد د اسامه بن لادن پر موندلو بريالى شوى ندى، سره له دې چې ډېر خلک وايي نوموړى همدلته پټ دى.