 |  د سړو په پرتله ښځو ته د ځينو په گومان انتخابي منډې ترړې گرانې دي |
د افغانستان د ننگرهار په ولايت کې ولسي جرگې ته پرې يوې کانديدې صفيې صديقي پرون ( د وږي ١٦ ) هغه وخت بريد وشو چې د انتخاباتو د منډو ترړو له يوې غونډې ستنيدله . په دغه بريد کې ميرمن صفيه صديقي روغه رمټه پاتې شوې خو موټر چلونکى او دوه تنه نور کسان ورسره ټپيان شوي دي . دې د دغۀ بريد پړه په هغو کسانو واچوله چې په افغانستان کې د پارلماني ټاکنو مخالف دي . افغان چارواکي وايي چې دوى د دغۀ بريد پلټنه پيل کړې ده . ميرمن صفيه صديقي ليکواله او شاعره هم ده چې گڼ شمير کتابونه يې چاپ شوي دي . په ټاکنو کې تر کانديدو وړاندې ميرمن صفيه صديقي د افغانستان د کليو د پراختيا په وزارت کې کار کاوۀ . | 
دا پاڼه کوم ملگري ته ولېږئ
چاپي بڼه